Версия для слабовидящих
2023-жылдын 11-апрелинде Кыргыз Республикасынын Улуттук илимдер академиясында Кыргыз-түрк Манас университетинин ректору, профессор Алпаслан Джейлан жана аталган университеттин окутуучулары иш сапарда болуп кайтышты. Алгач КР УИАнын Президенти Абдрахматов Канат Ермекович менен эки мекеменин ортосунда биргелешкен иштерди алып баруу боюнча пикир алмашышты. Андан соӊ Ч.Айтматов атындагы Тил жана адабият институнун иштери менен таанышты. Институттун директору А.Акматалиев Кол жазмалар фондундагы көөнө жазуулар тууралуу маалымат берип, алардын сакталып турушун, институттун эмгек жамааты менен жарык көргөн “Манас” эпосунун варианттары, фольклор, кол жазма, төкмө акындардын, Ч.Айтматовдун жана башка кыргыз адабияты боюнча жарык көргөн эмгектерди тааныштырды. Мындан сырткары “Манас” университети менен КР УИАнын Ч.Айтматов атындагы Тил жана адабият институтунун кызматташтык келишиминин негизинде келечекте биргеликте жасай турган иштеринин иш пландары тууралуу пикир алышуу болду.
- Подробности
- Автор: Press
- Просмотров : 1464