Бүгүн 12-декабрь залкар жазуучу Чынгыз Айтматовдун туулган үнүнүн урматына институттун кызматкерлери Ата Бейит мемориалдык комплексине барып, жазуучуга куран түшүрүп, эскерип кайтышты.

Эскерүүдө институттун директору, академик Абдылдажан Акматалиев өтүп бара жаткан жылдын эсебинен Чыңгыз Төрөкуловичтин чыгырмаларынын кыргыз тилиндеги 12 томдугу спонсорлордун эсебинен жарык көргөнүн, ошондой эле мектеп программасына кирген чыгармаларынын толук топтому (хрестоматиясы) жана өз алдынча “Биринчи мугалим”, “Делбирим” ж.б чыгармалары окурмандардын колуна жеткенин кубануу менен белгиледи. Өз сөзүндө А.Акматалиев жазуучунун 100 жылдык юбилейине институт эмитеден камылга көрүп жатканын, Казакстан, Каракалпакстан, Татарстан, Азербайжан ж.б. мамлекеттерде болуп, “Айтматов” энциклопедиясын жазууга аракеттер башталганын кабарлады.

Иш чарага Кыргыз Улуттук Манас театрынын, Улуттук Манас академиясынын жетекчилери, кызматкерлери да катышты.

(КР УИАнын “Илим” Маалымат Басма Борбору”)