2024-жылдын 23-декабрында Кыргыз Республикасынын Президенти Садыр Нургожоевич Жапаров, «Ынтымак Ордодо» өткөн салтанаттуу иш-чарада өлкө жана эл алдында сиңирген эмгеги үчүн мамлекеттик өзгөчө наам-белгилери ыйгарылган инсандарга мамлекеттик сыйлыктарды тапшырып жатканда мындай деди:

Биз быйыл Кыргыз Республикасынын Улуттук илимдер академиясынын имаратын толугу менен капиталдык оӊдоп-түзөөдөн өткөрүп бердик. Буюрса, каржылык маселелерин дагы чечип берүүнү көздөп турабыз. Мына ошол Улуттук илимдер академиясынын Президентин жамы журтубуз жакшы билет. Абдрахматов Канатбек Ермековичке “Кыргыз Республикасынын илимине эмгек сиңирген ишмер” Ардак наамын ыйгаруу чечими кабыл алынды. Анткени, Канатбек Ермекович Абдахматов – сейсмикалык катаклизмдер жаатындагы бирден-бир ири адис. Кыргыз Республикасынын аймагын сейсмикалык райондоштуруу карталарынын автору. Ал учурунда “Камбар-Ата-2 ГЭСинин плотинасын түзүү боюнча масштабдуу жарылууга илимий байкоо жүргүзүү программасынын жетекчиси болгон” деп Кыргыз Республикасынын Улуттук илимдер академиясынын Президенти, мүчө-корреспондент, Кыргыз Республикасынын Улуттук жазуучулар союзунун Башкармасынын мүчөсү, жазуучу, Орто Азия жана Казакстандагы белгилүү окумуштуу-сейсмолог Абдрахматов Канатбек Ермековичке “Кыргыз Республикасынын илимине эмгек сиңирген ишмер” Ардак наамын тапшырды.

 

“Илим” Маалымат-Басма Борбору”