Бишкектеги 13 окуу жайдын кызматкерлерине жана студенттерине Кара-Кыргыз автономиялуу облусунун түзүлгөндүгүнүн 100 жылдыгына жана Кыргыз Республикасынын кɵз карандысыздыгынын 33 жылдыгына арналган ири масштабдагы маданий иш-чараларды уюштурууга көмөк көрсөткөндүгү үчүн Кыргыз Республикасынын Министрлер Кабинетинин Тɵрагасынын атынан ыраазылык билдирилди. Кызматкерлер менен студенттерге Төраганын Ыраазылык каттарын министрдин орун басары Абазбек уулу Расул кечээ, 24-декабрда, Билим берүү жана илим министрлигинде салтанаттуу тапшырды.

Атап айтканда, төмөнкү окуу жайлардын кызматкерлери, студенттери министрдин орун басарынын колунан Министрлер Кабинетинин Төрагасынын Ыраазылык каттарын алышты:

– Ж. Баласагын атындагы КУУ;

– И. Арабаев атындагы КМУ;

– И. Раззаков атындагы КМТУ;

– М. Рыскулбеков атындагы КЭУ;

– Б. Турусбеков атындагы КМДСА;

– И. Ахунбаев атындагы КММА;

– Кыргыз-Түрк “Манас” университети;

– К. Карасаев атындагы БМУ;

– Т. Эрматов атындагы БМПИ;

– К. Скрябин атындагы КУАУ;

– Кыргызстан эл аралык университети;

– ИИМдин Генерал-майор Э.А. Алиев атындагы Академиясы;

– К. Көлбаев атындагы Бишкек автомобиль-жол колледжи.

Эске сала кетсек, 2024-жылы Кыргыз Республикасынын Президентинин 2023-жылдын 24-октябрындагы ПЖ № 270 “Кара-Кыргыз автономиялуу облусунун түзүлгөндүгүнүн 100 жылдыгын белгилөө жөнүндө” Жарлыгын ишке ашыруу максатында масштабдуу концерттик иш-чаралар өткөрүлгөн, аларга жогорку жана орто кесиптик билим берүү уюмдарынын студенттери да тартылган.

 

 “Илим” Маалымат-Басма Борбору”