5-мартта КР Улуттук илимдер академиясына Түштүк Кореялык CNA-ENERGY INK, IT MAN, THE DREAM GLOBAL компанияларынын башкы директорлору, IT программисттери, инженерлер, ГЭС куруу боюнча техникалык адистер келишти.

Алар Кыргызстанда чакан ГЭСтерди куруу боюнча долбоорлорду иштеп чыгышканын айтты. Азыркы учурда Чоң-Кемин дайрасында 3 квт. саатка чейинки электр энергиясын иштеп чыгара турган чакан ГЭСти орнотууга даяр. Эмдиги жылы Кемин районуна 10 кв.саатка чейинки кубаттуулукта коюу максаттары бар. Түштүк Кореядан келген компаниялардын иштөөсүнө КР Министрлер Кабинети пилоттук долбоор катары чечим чыгарып берген.

Бул компаниялар менен 3 жылдан бери УИАнын физика институтунун жана И.Раззаков атындагы техникалык университетинин кызматкерлери электр энергия, ГЭСтерди куруу маселесинин үстүндө изилдөө иштерин жүргүзүп келишүүдө.

Бүгүн Улуттук илимдер академиясынын президенти, мүчө-корреспондент Канатбек Абдрахматов Түштүк Кореялык үч компания менен академиянын мындан аркы кызматташуусу үчүн меморандумга кол койду.