Бүгүнкү 5-март Ак калпак күнүңүздөр менен чын жүрөгүмдөн куттуктайм! Бул күн Жогорку Кеңештин 2016-жылдын 29-июнундагы токтому менен улуттук баш кийимдин баалуулугун кастарлоо максатында белгиленген.

Ак калпак – кыргыз элинин маданий мурасынын жана улуттук өзгөчөлүгүнүн символу. Ак калпак – жөн гана баш кийим эмес, ал кылымдарды карыткан тарыхыбызды, элибиздин даңктуу салтын, маданиятыбызды чагылдырган ыйык символ. Кылымдар бою ата-бабаларыбыз ак калпакты башынан түшүрбөй ар намыстын, акыйкаттын жана эркиндиктин белгиси катары кийип келишкен.

Ак калпак Ала Тоо көрүнүшүн берет. Кышкысын жылуу, жайкысын салкын. Калпактын касиети кыргызды кылымдар бою сактап келатат. Ал дүйнө жүзүнө кыргызды таанытты.

Ак калпакты кийген ар бир кыргыз жигитине Ала Тоодой бийиктикти, тунуктукту, бакубат жашоону каалайм! Ар дайым ак калпагыбыз бийик болуп, Кыргызстаныбыз өнүгүп-өсө берсин!