2023-жылдын 30-августунда Кыргызстанга болгон жумушчу сапарынын алкагында Байланышты өнүктүрүү боюнча улуттук илим-изилдөө институтунун (НИИРК) илимий иштер боюнча директорунун орун басары, социология илимдеринин доктору Валентина Комлева Вячеславовна, Кыргыз Республикасынын Улуттук илимдер академиясынын президенти
Канатбек Ермекович Абдрахматов жана академиянын жамааты менен жолугушту.
Жыйынга А.А.Алтмышбаев атындагы Философия жана социалдык-саясий изилдөөлөр институтунун директору Нур Саралаев, Б. Жамгерчинов атындагы Тарых, археология жана этнология институтунун директору Абылабек Асанканов, Илимий-уюштуруучулук иштери жана илимий кадрларды даярдоо бөлүмүнүн башчысы Урусова Толкун Эсеновна катышышты.
Жолугушуунун жүрүшүндө тараптар эки тараптуу кызматташтыкты өнүктүрүүгө байланыштуу бир катар маселелерди көтөрүштү.
Валентина Комлева Вячеславовна өкүлдүк кылган улуттук илим-изилдөө институту (НИИРК) өлкөлөр ортосунда илимий, билим берүү, маданий, маалымат каражаттары менен байланыштарды түзүү менен алектенип жатканын, буга чейин Кыргызстан менен бул багытта көп иштер жасалганын айтты. Эки тарап тең илимий байланыштардын алкагында кызматташтыкты бекемдөөгө жана кеңейтүүгө терең кызыкдар экендиктерин билдиришти:
Пикир алышуудан кийин тараптар төмөнкү багыттар боюнча мындан аркы кызматташуунун мүмкүнчүлүктөрүн жана форматтарын талкуулашты:
– Академиянын базасында Жаш изилдөөчүлөр мектебин өткөрүү, биргелешкен илимий иш-чараларды өткөрүү, ошондой эле Улуттук байланышты илимий изилдөө иниститунун Эл аралык академиялык мобилдүүлүк программасын ишке ашырууну улантуу.
– аспиранттар, окутуучулар жана жаш изилдөөчүлөр үчүн илимий стажировка программаларын иштеп чыгуу жана ишке ашыруу;
– биргелешкен илимий жана басмалык долбоорлорду ишке ашыруу;
– эл аралык илимий-эксперттик иш-чараларды өткөрүү;
– илимий байланышты өнүктүрүүгө көмөктөшүүчү маалымат, илимий-методикалык материалдар менен алмашуу;
– мамлекеттер аралык мамилелерди өнүктүрүү үчүн илимий иштеп чыгууларды жана илимий изилдөөлөрдүн натыйжаларын практикалык ишке киргизүү;
– Гуманитардык кызматташуу жана достук жакшы коңшулук мамилелерди өнүктүрүү маселелери боюнча өз ара консультациялар.
КР УИАнын президенти К. Е. Абдрахматов илимий изилдөөлөрдү өнүктүрүүнүн маанилүүлүгүн баса белгилеп, ошондой эле эки тараптын ортосундагы байланыштарды чыңдоого багытталган демилгелерди колдоого даярдыгын билдирди.
- Подробности
- Автор: pressa
- Просмотров : 961