17-19-сентябрда саат 13:00до Жаннат Ридженси отелинин жыйындар залында (Бишкек ш., Аалы Токомбаев көчөсү 21/2.) “Изилдөөчүлөрдүн жана эксперттердин диалогу – КМШ өлкөлөрүнүн интеграциялык өнүгүүсүнүн мүмкүнчүлүктөрү” деген аталыштагы Эл аралык илимий-практикалык конференция өтөт.

Конференцияга КМШ өлкөлөрүнүн: Азербайжандын, Белоруссиянын, Казакстандын, Молдованын, Россиянын, Тажикстандын, Түркмөнстандын, Өзбекстандын жана Украинанын илимий уюмдарынын жана ЖОЖдорунун өкүлдөрү катышат. Иш-чаранын катышуучулары илимдин жана билимдин ар кандай тармактарындагы мамлекет аралык кызматташууну өнүктүрүү боюнча илимий идеяларды жайылтуу мүмкүнчүлүктөрүн талкуулашат.

Пленардык жыйындарда жана адистик секцияларда жыйындын катышуучулары кесиптик аракеттешүүнүн ар кандай аспектилеринин концептуалдык негиздери боюнча пикир алышат.

Талкуунун темалары: Өлкөлөрдүн заманбап интеграциялануусу: социалдык-экономикалык аспекттер, ЕАЭБдин санариптик экономикасы: коомдук мейкиндикти санариптештирүү шартында өнүктүрүү стратегиясы, маданий парадигманын алмашуусу, ааламдык интеграциялык процесстердин контекстинде “Ири Евразия” («Большая Евразия») платформасын калыптандыруунун концептуалдык негизи, ааламдашуу шартында КМШ өлкөлөрүнүн экономикалык өнүгүүсүнө камсыздандыруу секторунун таасири, венчурдук инвестициялоо системасында маалыматтык технологияларды пайдалануу, өлкөлөрдүн туруктуу өнүгүүсү үчүн суу ресурстарынын мааниси, Ч.Айтматовдун чыгармаларындагы мифтердин жана легендалардын көркөм өзгөчөлүктөрү, ЕАЭБ жана “Жибек Жолунун экономикалык курун” бириктирүү алкагындагы экологиялык проблемалар.

Конференциянын ачылышында УИАнын вице-президенти, корреспондент-мүчө Тогусаков О.А., УИАнын Дж.Алышбаев атындагы Экономика институтунун директору э.и. д. Дыйканбаева Т,С., Түркмөнстан УИАсынын академиги Эседулаев Рахмангулы, РИАнын Ыраакы Чыгыш бөлүмүнүн башкы окумуштуу катчысы Богатов В.В. куттуктоо сөзүн сүйлөшөт.

Коомдук идеологиянын негиздери боюнча Бакиров Апас Бакирович билдирүү жасайт.

Ошондой эле конференциянын катышуучулары экономикалык өнүгүүнүн жана ийгиликке жетүүнүн, жогорку билим берүү системасындагы ааламдашуу жана санариптешүүнүн көйгөйлөрүн, технопарктардын ишмердигиндеги жана бизнес чөйрөнү жакшыртуу тенденциясынын проблемаларын жана ишкердикти өнүктүрүү боюнча маселелерин карашат.

Иш-чаранын уюштуруучулары – УИАнын Дж.Алышбаев атындагы Экономика институту, КМШнын Мамлекет аралык гуманитардык кызматташуу фонду өткөрүүдө.

Подробности 

 Автор: Press 

 Создано: September 12th, 2018 

 Просмотров : 2333