Версия для слабовидящих
Адабияттын астанасын аттаганда эле Айтматовдун ааламына өзүнүн бүткүл өмүрүн арнап, конкреттүү жүздөгөн конференцияларды уюштуруп, илимий изилдөөлөрдү жазып, ыр-поэмалардын циклдерин арнап, эл аралык клубдар ассоциациясын ачып, эстеликтерин коюп, китепкананын атын берип, жаш айтматовтаануучуларды тарбиялап, чет өлкөгө жайылтып келе жаткан адабиятчы, академик Абдылдажан Акматалиевдин жакында “Чингиз Айтматов” жана “Маектер, көз караштар жана пикирлер” (208 бет) деген эки китеби жарык көрдү.
Аталган китептер дүйнөлүк жазуучу Чыңгыз Айтматовдун быйыл өтүп жаткан 90 жылдыгына карата арналган.
Орус тилинде жарык көргөн китебинин көлөмү 792 бет. Анда Ч.Айтматовдун өмүрү жана чыгармачылыгы кеңири планда чагылдырылган. Өзгөчө “Кыямат жана дүйнөлүк адабият”, “Айтматовдун космосу – Аалам жана Адам”, “Адам жана Жаабарс”, “Чоор – сүйүүнүн символу”, “Чыңгызхандын ак булуту”, “Айтматов, Манас жана эмбрион”, “Ата конуш жана Айтматов”, “Айтматов Айтматовдой сүйө алган” сыяктуу көлөмдүү жана терең илимий анализделген макалалары, Чыңгыз Айтматовдун жашоосуна байланыштуу “Айтматов жөнүндө этюд” деген күндөлүгү, ошондой эле жазуучунун бийлик, коом, жаратылыш ж.б. менен болгон мамилеси маектерде көрсөтүлгөн.
Китептер жалпы окурмандарга арналган.
- Подробности
- Автор: admin
- Просмотров : 1482