КР УИАнын Дж.Алышбаев атындагы Экономика институтунун Эл аралык экономика бөлүмүнүн жетекчиси, экономика илимдеринин кандидаты, КР УИАнын жаш окумуштуулар кеңешинин төрайымы Азык Орозонова 12-13-июнда Түркмөнстандын борбор шаары Ашхабадда өткөн “Илим, техника жана инновациялык технология” аталышындагы эл аралык форумга катышты.

фото4Аталган өлкөнүн илим күнүнө арналган форумда А.Орозонова “Туризмдин санариптешүүсү – экономикалык өнүктүрүүнүн фактору катарында” деген докладын окуду. Анда Кыргызстандагы туризм чөйрөсүнүн азыркы учурдагы абалы,туристтик тейлөө кызматтарынын экспортунун жана импортунун динамикасына сереп салынып, туристтик чөйрөдөгү ишканаларга анализ жасалды. Ошондой эле аталган чөйрөгө карата болгон санариптештирүүнүн алгылыктуу таасирлери каралды.

Форумга Россиянын, Япониянын, Кореянын, Улуу Британиянын, Франциянын, Германиянын, Италиянын, Испаниянын, Финляндиянын, Болгариянын, Беларуссиянын, Грузиянын, Армениянын, Латвиянын, Эстониянын, Украинанын, Ирандын, Азербайжандын, Тажикстандын, Кыргызстандын, Казакстандын окумуштуулары катышкан. Анда энергетикадан баштаган экологиянын ар кыл чөйрөдөгү тармактарына алдыңкы иштелмелерди киргизүү жана андагы маселелерге арналган талкуулар болгон.

Подробности 

 Автор: admin 

 Создано: June 20th, 2018 

 Просмотров : 1621