Бүгүн, 2017-жылдын 27-июнда, Илимдер академиясынын президентинин милдетин аткаруучу, академик Мурат Джуматаев Шэнси педагогикалык университетинин вице-президенти Фэнь Сюдун менен кызматташуу жана биргелешип “Жибек Жолу” социалдык жана гуманитардык илимдер союзун түзүү жөнүндө келишимге кол коюлду.

Келишимде “Бир кур – бир жол” өнүгүү стратегиясын ишке ашыруунун алкагында гуманитардык жана социалдык илимдердин изилдөөлөрүнүн деңгээлин жогорулатуу жана жайылтууга көмөктөшүү, адистерди даярдоо, Жибек Жолундагы өлкөлөрдүн маданий байлыгын байытуу жана эл аралык алмашуу, “теңдик жана эки жактуу пайда, ресурстарды биргелешип колдонуу, узак мөөнөттүү кызматташуу, биргелешип өнүгүүнүн” негизинде өлкөлөрдүн өнүгүүсүнө кызмат кылууда кеңеш берүүчү жана интеллектуалдык колдоо максаты камтылган.

“Жибек Жолу” социалдык жана гуманитардык илимдердин союзуна жогорку окуу жайлар жана илимий-изилдөөчү мекемелер катыша алат. Алар долбоорлорду биргелешип түзүшүп, кадрларды даярдай, илимий ресурстарды чогуу колдоно, маданиятка байланыштуу иш-чара өткөрө жана интеллектуалдык банкты түзө алышат.

Подробности 

 Автор: admin 

 Создано: June 27th, 2017 

 Просмотров : 1961