“Кыргыз Улуттук илимдер академиясынын кабарлары” илимий журналынын жаңы санында Кыргызстандын, Казакстандын, Тажикстандын жана Кытайдын окумуштуулары өзүлөрүнүн илимий иштеринин натыйжасын тартуулашат.

Окурмандар журналдын “Маалыматтык технологиялар” деген бөлүгүнөн Автоматика жана маалыматтык технологиялар институтунун илимпоздору Ж.Шаршеналиевдин жана А.Бакасовдун өзүн-өзү уюштуруучу татаал динамикалуу тутумдарды вектордук башкаруудагы көйгөйлөрүнө байланышкан макалалары менен тааныша алышат. Ал бөлүмгө ошондой эле окумуштуу С.Гадоевдин (Тажикстан Улуттук университетинин Физика факультети) ар кыл сырткы факторлордун таасирин көзөмөлдөөдө интегралдык схемаларды колдонуу, ыңгайлуу интерпретациялык формада алгачкы жыйынтыктарды иштеп чыгуу жана жана аны даана көрсөтүүнү камсыздаган иштелмелери киргизилди.

Кыргыз Улуттук илимдер академиясы КЭР (Кытай Эл Республикасы) илимдер академиясы менен биргеликте Вуласитай аймагында (батыш Жунгар, Кытай) жайгашкан тоо-тектеринин литологиялык мүнөздөмөсү менен жашын аныкташкан жана ал маалыматтарды уран-коргошун методу менен алышкан.

Андан сырткары “УИА кабарлары” илимий журналынын бул санына Кыргыз кырка тоолорунун жана Чүй өрөөнүнүн дары-дармек өсүмдүктөрүнүн мите микромицеттерин алкактар боюнча таралышы (авторлору – Э.Касымбекова, С.Мосолова) боюнча жана Батыш Тянь-Шандагы ак карагай токойлорундагы базидиялуу козу карындардын изилденүүсү тууралуу чыкты (авторлору – Г.Калыкова, А.Сагитов).

Подробности 

 Автор: admin 

 Создано: July 23rd, 2017 

 Просмотров : 1735