Версия для слабовидящих
КР УИАнын Машинатаануу жана автоматика институтунун директорун шайлоо конкурсуна катталган:
Султаналиев Бактыбек Сабырбекович – техника илимдеринин доктору, КР УИАнын Физика-техникалык, математикалык жана тоо-геологиялык илимдер бөлүмүнүн Машинатаануу жана автоматика институтунун директорунун м.а.
С. Б. Сабырбекович 1963-жылы Ысык-Көл областынын Тору-Айгыр айылында төрөлгөн. 1978-жылы Тору-Айгыр орто мектебин бүтүргөн. 1981-жылы Фрунзе политехникалык техникумун аяктаган. 1983-жылы Харьков политехникалык институтуна окууга өтүп, андан кийин Москва гидромелиоративдик институтуна которулган. 1985-1987-жылдар аралыгында Советтик армиянын аскерлеринин катарында кызмат өтөгөн. 1990-жылы Москва гидромелиоративдик институтун артыкчылык диплому менен аяктаган жана инженер-механик квалификациясы берилген. 1997-жылы техника илимдеринин кандидаты окумуштуу наамы ыйгарылган. 1992-2006-жылдары КР УИАнын Машинатаануу жана автоматика институтунун күч импульстук системасынын лабораториясында илимий, ага илимий, жетектөөчү илимий кызматкери болуп эмгектенген. 2008-жылдан тартып К.И. Скрябин атындагы Кыргыз улуттук агрардык университетинин прикладдык механика, физика жана инженердик педагогика кафедрасынын профессору, 2008-жылдан тартып КР УИАнын Машинатаануу жана автоматика институтунун илимий инженердик борборунун директору, КР УИАнын Машинатаануу жана автоматика институтунун “Шакирт” инженердик борборунун директору, 2014-жылдан тартып КР УИАнын технопаркынын директору, 2017-жылдан тартып КР УИАнын Машинатаануу жана автоматика институтунун директорунун м.а., 2018-жылдан баштап КР УИАнын Машинатаануу жана автоматика институтунун директору болуп эмгектенген. 2006-ж. техникалык Илимдердин доктору наамы ыйгарылган.
Б. С. Султаналиевдин 70 басылма иши жарык көргөн жана ойлоп-табуу боюнча бир Россиялык патент жана Кыргыз Республикасынын эки патенти алынган. Анын жетекчилиги астында техника илимдеринин 2 кандидаты даярдалган. Кыргыз Республикасынын Улуттук илимдер академиясынын Машина таануу жана автоматика институтундагы Диссертациялык Советтин мүчөсү. Илимий жетекчи катары кадрларды даярдоо иштерин жүргүзүп келет.
Үй-бүлөлүү, 3 баланын атасы.
- Подробности
- Автор: Press
- Просмотров : 1692