2021-жылдын 28-29-июнунда Борбордук Азиянын экология жана айлана-чөйрөсүн илимий изилдөө борборунда (Бишкек ш.) жана КР УИАнын Геология институтунда калктын ар кандай булактардан ичүүгө жараксыз сууну пайдаланган үй чарбалары чачыранды жайгашкан 10 чакан айылдын өкүлдөрү үчүн тренингдер өткөрүлдү. Бул калктуу конуштар Кыргызстан жана Кытайдын Академиялык Институттары менен кызматташкан ичүүчү суу менен камсыздоону жана санитарияны өнүктүрүү Департаменти тарабынан аныкталды.

Жергиликтүү жамааттардын өкүлдөрүн чакан айылдарга тазаланган, ичүүчү суу менен камсыз кылуу үчүн суу тазалоо тутумун орнотуу жана эксплуатациялоо боюнча тренинг өткөрүлүп окутулду. Андан тышкары тренингдин катышуучуларына «Бугу-Эне-Багыш» жаӊы конушундагы суу тазалоо тутумун орнотуу иштөө принциби көрсөтүлдү.

Системаларды орнотууга каржылоону “Бир алкак – бир жол” аймагында жайгашкан мамлекеттердин илимий мекемелеринин Альянсы (ANSO) жүргүзгөн. Бул уюмга биздин өлкөнүн атынан мүчө болгон КРнын Улуттук илимдер академиясынын президенти, академик М.С Джуматаевдин  катышуусу менен ишке ашты. М.С Джуматаевдин сунушунун негизинде жана Кытай Эл Республикасынын Илимдер Академиясындагы кесиптештери тарабынан колдоого алынган “Кыргызстандын калкына ичүүчү суу менен камсыз кылуу үчүн суу ресурстарынын сапатынын географиялык өзгөчөлүктөрүн изилдөө” илимий долбоорунун жыйынтыгы боюнча, Альянс 10 суу тазалоочу тутумга гранттык негизде каражат бөлүү боюнча чечим кабыл алынды.

Кытай Эл Республикасынын Илимдер Академиясынын Чуңцин алдынкы жана жашыл технологиялар институтунда иштелип чыккан система Кыргыз Республикасынын Улуттук илимдер академиясына жеткирилип, Бишкектин «Бугу-Эне-Багыш» конушуна орнотулуп, сыноодон өтүп жатат. Окутуунун практикалык бөлүгү ушул системанын мисалында жүргүзүлдү.

Жакынкы арада КРнын Улуттук илимдер академиясына дагы 9 суу тазалоочу тутуму алынып келинип, алар аймактардагы таза сууга муктаж болгон айылдарга орнотулат.

Подробности 

 Автор: Press 

 Создано: June 30th, 2021 

 Просмотров : 1612