Версия для слабовидящих
24-мартта Улуттук илимдер академиясы менен “Прогрессивдүү демилгелер фонду” 2016-жылдын жыйынтыгы боюнча “Акыл-Тирек” интеллектуалдык сынагынын жеңүүчүлөрүн куттукташты.
Быйылкы сынакты илимдер академиясы менен “Прогрессивдүү демилгелер фонду” биргелешип өткөрүшкөн. Анда УИА сынакка катышкандардын ишин баалоо боюнча эксперт катары да иш алып барды. Жеңүүчүлөргө сыйлыктарды УИАнын президенти, академик Абдыганы Эркебаев, УИАнын башкы окумуштуу катчысы, корреспондент-мүчө Чолпонкул Арабаев жана “Прогрессивдүү демилгелер фонду” коомдук фондунун негиздөөчүсү, ишкер Аскар Салымбековдор тапшырышты.
Абдыганы Эркебаев жеңүүчүлөрдү сыйлыгы менен куттуктап жатып, “Прогрессивдүү демилгелер фондунун” бир топ жылдардан берки жасаган иштерине жана өлкөдөгү илимдин бааланышына токтоло кетти:
“Бир топ жылдардан бери алгылыктуу иштерди жасап келе жатасыңар. Көп каражат жумшоо менен олтуттуу иштерди жасоо ар кимдин эле колунан келе бербесе керек. Андан сырткары баса белгилеп кетким келген нерсе Швеция, Финляндия, Израиль жана Сингапур сыяктуу өнүккөн өлкөлөр жана башка алдыда бараткан миңдеген мамлекеттер эки жагдайдан улам гүлдөп жатат. Алардын ишкерлери күчтүү жана алар ар дайым илим менен билимди колдошот. Кирешесинин 30-40%зын илимге жумшашат. Бизде илимди колдогон бизнесмендер бар, бирок аз. Ал эми улуттук кирешенин 2 төмөн эмес пайызы аталган тармакка жумшалышы керек эле. Биздин өлкөнүкү тилекке каршы абдан төмөн. Болгону 0, 08%ды түзүп жатат” – деди ал.
- Подробности
- Автор: admin
- Просмотров : 1387