УИА менен кызматташтыктагы конференция, “CAREN” долбоорунун алкагындагы “Кыргыз илимий жана компьютердик билим берүү тармагы” (KRENA) ассоциациясы тарабынан уюштурулган. CRNC иш-чарасы быйыл экинчи жолу өтүүдө жана ага Борбордук Азиядагы 5 өлкөнүн өкүлдөрү чакырылып, коңшу региондор жана дүйнөнүн башка аймактары үчүн дагы эшик ачык экендиги айтылат.

Программа академиялык коомчулуктардын, окумуштуулардын, чечимди кабыл алуучу жоопту тараптар менен маалыматтык жана коммуникациялык технологиялар (МКТ) боюнча адистердин башын бириктирет. Андан сырткары анын курамында Борбор Азия региондорундагы бардык жогорку окуу жайларды жана илимий-изилдөө мекемелерин тейлөөдө алдыңкы МКТны сунуштоодо жалпы кызыкчылыкка ээ интернет провайдерлердин өкүлдөрү жана МКТ тармагынын адистери бар.

Конференция төмөндөгүдөй темалар менен улантылат:

• Телемедицина (УИАнын академиги, техника илимдеринин доктору, профессор А. А. Кутанов)
• Регионалдык тармактар (Сессиянын төрагасы – Д.Вест)
• Билим берүү ( Ж. Иличалы)
• Регионалдыкы кызматташтык (Др. Х. Шамбург)
• Кампустагы МКТ (Др. И. Тетеный)
• Жаратылыш кырсыктарынын тобокелин башкаруу (проф. Х. Садыков)
• Коопсуздукту жана идентификацияны башкаруу (Зарлык Жумабек уулу)
• МКТны изилдөөлөрдө колдонуу (Др. А. Идрисов)
• Тиркеме жана билим берүү (проф. У. Бримкулов)
• Электрондык китепканалар ( К. Карабукаев)
• Интернет-трафик аркылуу алмашуу чекиттери (М. Паловирта)

“CRNC-2017” – илимий – изилдөөлөр жана жогорку билим берүүгө арналган алдыңкы МКТ тейлөө тармагындагы акыркы иштелмелердин жыйындысын сунуштап, алдыңкы деп эсептелген тейлөө тармагынан мисалдарды келтирип, Борбордук Азиядагы илим жана билим берүү тармактарында, мекемелерде кайсы МКТлар жакшы көрсөтүлгөнүн ачыктап берет. Мамлекеттик саясатты иштеп чыгуучу адистер дагы билим берүүдөгү жана илим тармагындагы алдыңкы МКТнын артыкчылыктары жөнүндө биринчилерден болуп маалымат алуу үчүн аталган конференцияга чакырылат.

Маалымат үчүн: Европалык Комиссиясы каржылаган жана  CAREN долбоору тарабынан уюштурулган “CRNC-2017”  конференциясы Борбордук Азия өлкөлөрүн илим жана билим берүү тармактарын Гигабиттик байланыш менен камсыздайт. 

Подробности 

 Автор: admin 

 Создано: April 24th, 2017 

 Просмотров : 3137