25-апрелде Татарстанда өткөн “Маданияттардын ар түрдүүлүк контекстиндеги Галимжан Ибрагимовдун мурасы” аталышындагы илимий-практикалык конференциясында УИАнын Ч.Айтматов атындагы Тил жана адабият институтунун жетектөөчү илимий кызматкери Гүлжигит Соронкулов илимий докладын окуду.

Аталган конференция татар адабиятынын классиги, журналист, адабият таануучу, сынчы, тарыхчы, тилчи, педагог-методист жана саясатчы Галимжан Гирфанович Ибрагимовдун 130 жылдыгынын урматына арналып, иш-чараны Татарстан Республикасынын илимдер академиясынын Г.Ибрагимов атындагы Тил, адабият жана искусство институту Эл аралык Түрк академиясы, Башкыртстан Республикасынын илимдер академиясы жана Орусиялык гуманитардык илимий фонду менен биргелешип уюштурган.

Эл аралык иш-чарага КР УИАнын, Орусия илимдер академиясынын, Казакстандын, Түркмөнстандын, Өзбекстандын, Башкыртстандын, Крымдын, Чувашиянын жана Удмуртиянын илимпоздору катышкан. Гүлжигит Соронкулов өзүнүн докладында Г. Тукай менен акын Алыкул Осмоновдун тагдырлары жана чыгармачылыгындагы дал келүүчүлүктөрдү табуу менен алардын “К народу” жана “Сен ооруба, мен ооруюн, Ата Журт” ырларындагы окшоштуктарды белгилеп, андагы жогорку жарандуулукту таап көрсөткөн.

Подробности 

 Автор: admin 

 Создано: May 1st, 2017 

 Просмотров : 1810