Версия для слабовидящих
Кыргыз Улуттук илимдер академиясынын академиги Биймырза Токторалиев 25-30-июнга чейин Пекин шаарында өтө турган эл аралык форумга катышат.
Агротехникалык кызматташууга багытталган иш-чаранын максаты айыл чарбасындагы, экология жаатындагы маселелерди изилдөө, алардын жыйынтыктарын практикада жүзүндө колдонуу жана өлкөлөр аралык кызматташуу болуп эсептелинет.
Илимпоз Биймырза Токторалиев форумда доклады менен чыгат. Анын айтымында бул кадамдар Кыргызстан үчүн абдан жемиштүү болууга тийиш.
“Биринчиден мындай эл аралык форумга катышуунун өзү сыймык. Экинчи тарабы окумуштуулар менен байланышып, алака түзүүгө жол ачылат. Андан сырткары инвестиция тартууга чоң мүмкүнчүлүк жаралууда. Кытайдын жогорку деңгээлде өнүгүп жаткан техникалары, технологиясы жана технопарктары менен таанышуу менен алардан үлгү алсак болот” – дейт окумуштуу.
“Один пояс – один путь” эл аралык форумун Шаньдун Провинциясындагы Айыл чарба академиясы, Синцзян-уйгур автономиялык районунун Айыл чарба академиясы уюштуруп, ага Борбордук Азиянын беш өлкөсү – Кыргызстан, Казакстан, Өзбекстан, Түркмөнстан жана Тажикстан чакырылган. Ал эми Кыргызстан тараптан УИАнын окумуштуусунан сырткары Билим берүү жана илим министрлигинин жана Айыл чарба жана мелиорация министрлигинин эки өкүлү чакырылган.
Буга чейин УИА Кытай өлкөсү менен биргеликте 2007-жылдан 2015-жылга чейинки “Айлана-чөйрөнү коргоо тармагындагы экологиялык изилдөөлөрдүн технологиясы жана Кыргыз Республикасынын жаратылыш ресурстарын климаттык глобалдык өзгөрүүлөрдүн контекстинде башкаруу” аталышындагы долбоорун ишке ашырган.
- Подробности
- Автор: admin
- Просмотров : 1979