Версия для слабовидящих
3-июлда Кыргыз Улуттук илимдер академиясында Философия жана саясий-укуктук изилдөөлөр институту уюштуруп жаткан, маданияттын эмгек сиңирген ишмери, УИАнын корреспондент-мүчөсү, философия илимдеринин доктору, профессор Теңдик Аскаровдун 80 жылдык мааракесине арналган илимий-практикалык конференция өтөт.
Иш-чарада УИАнын президентинин милдетин аткаруучу М.Жуматаев, академиктер А.Акматалиев, Т.Садыков, Т.Койчуев, А.Какеев, КРнын Жазуучулар союзунун төрагасы А.Рыскулов жана башка илим жаатындагы ишмерлер куттуктоо сөздөрү менен чыгышат.
Т.Аскаров 350дөн ашуун илимий эмгектин автору жана “Дружбы народов”, “Знак почета” ордендеринин, “Даңк” медалынын ээси. Ал 1960-жылы КМУнун филология факультетин бүтүрүп, Кыргыз ССРнин илимдер академиясынын Философия жана укук институтунда окумуштуу катчы болуп иштеген. Ошондой эле “Кыргызстан маданияты” гезитинин башкы редакторунун орун басары, Кыргыз ССРнин Коммунисттик партиясынын Борбордук комитетинин маданият бөлүмүнүн жетекчисинин орун басары, СССР жазуучулар союзунун башкаруучулугунун төрагасы кызматтарын аркалаган.
Иш-чара саат 10:00дө башаталат (Катышуучуларды каттоо 09:30да жүргүзүлөт).
- Подробности
- Автор: admin
- Просмотров : 1878