Версия для слабовидящих
“Кыргыз Улуттук илимдер академиясынын кабарлары” илимий журналынын жаңы саны жарык көрдү. Бул санына биология, геология, филология, экономика, тарых, культурология, маалыматтык технологиялар жана укук тармагындагы илимий-изилдөөлөр жарыяланды.
УИАнын Биология жана топурак таануу институтунун ага илимий кызматкери, биология илимдеринин кандидаты А.Усупбаевдин макаласында Кыргызстанда (Алай кырка тоосу, Кичи-Алай дарыясынын бассейни) өсүп жаткан өсүмдүктүн Trisetum Pers. (Poaceae) тукумундагы жаңы түрү – Trisetum Kirghizica жөнүндө маалымат берилди.
Ошондой эле илимпоздор коллективи тарабынан Ак-Талаа районунун Ак-Жар жана Кара-Бүргөн коктуларындагы, Тоң районунун Кубакы ашуусу жана Боом капчыгайындагы Patrinia intermedia формациясындагы өсүмдүктөр ассоциациясынын 7 тобунун флористикалык курамы изилдөөгө алынды.
Авторлор К.Жугинисов менен А.Жунушов bluetongue virus – BTV деген аталыштагы майда малдын вирустук ылаңын изилдөөгө алып, жыйынтыгы менен бөлүшүштү. Бул жана башка материалдар менен “УИА кабарлары” илимий журналынын жаңы санынан тааныша аласыздар.
Маалымат үчүн: КРнын Жогорку Аттестациялык комиссиясынын 2016-жылдын 37-декабрындагы №246 токтомуна ылайык, “Кыргыз Улуттук илимдер академиясынын кабарлары” илимий журналына чыккан макалаларга 20 баллдык рейтинг ыйгарылат.
- Подробности
- Автор: admin
- Просмотров : 1637