Окурмандар “Кыргыз Улуттук илимдер академиясынын кабарлары” илимий журналынын экинчи санынан гуманитардык илимдер тармагындагы бир катар изилдөөлөр менен тааныша алышат.

Андагы Т.Старусеванын макаласында Ч.Айтматовдун көп кырдуу таланты адамзаттын руханий багыты катары каралат. Ал эми Пекин педагогикалык университетинин аспиранты Ван Юе Л.Петрушевскаянын чыгармачылыгынын мисалында лингво маданият таануунун прецеденттик типтеги мифологемдери маселесине кайрылган.

Ошондой эле журналдын бул санында биздин мамлекет үчүн актуалдуу болгон, жер ресурсун башкаруунун принципиалдуу жаңы методдорун колдонууга мүмкүнчүлүк берген кыймылсыз мүлктүн бирдиктүү маалыматтык системасын түзүү жана ошол эле учурда кыймылсыз мүлк рыногунун өнүгүүсүнө стимул берүү темасы каралат.

Андан сырткары Казакстандык (А.Джарлыкасымов “Заманбап Казакстандагы укуктук тарбия жана билим берүү”) жана Тажикстандык (М.Раупова “Жаратылыш айлана-чөйрөсүн булгоонун натыйжасында жарандарга келтирилген зыян боюнча компенсация”) окумуштуулардын укук маселесин чагылдырган макалалары жарык көргөн.

Маалымат үчүн:
Журнал жылына 4 жолу басылып чыгат. Эске сала кетсек “Илим” маалымат-басма борбору өткөн жылдын сентябрь айында Россиянын илимий электрондук китепканасы менен Россиянын илимий цитаталоо индексине (РИЦИ) киргизүү боюнча келишим түзгөн. Келишимдин талаптарына ылайык аталган борбор КР УИАнын журналында жарыяланган бардык макалаларды www.eLIBRARY.RU сайтына жайгаштырып, РИНЦке киргизген.

Подробности 

 Автор: admin 

 Создано: July 24th, 2017 

 Просмотров : 1636