А.Жирков Улуттук илимдер академиясынын Тил жана гуманитардык илимдер бөлүмүнүн төрагасы, академик А.Акматалиев менен маданий-гуманитардык кызматташтыгынын келечеги, чыгармачылык байланыштар жөнүндө пикирин алышты.

Кыргыз Республикасы менен өткөн кылымдардан берки адабият, маданият, искусство жаатында мамилелерге токтолгон конок Ч.Айтматов атындагы Тил жана адабият институтуна якут тилине которулган романдарын, кыргыз жазуучу жана акындардын чыгармаларынан турган жыйнакты белек кылды.

Александр Жирков Ч.Айтматовго арналган бөлмө, кол жазмалар фондундагы эмгектер менен таанышты. Ушул жылы жарыкка чыккан “Айтматов энциклопедиясы” менен таанышып, якут тилине которулган чыгармалар, коюлган спектаклдер да көз жаздымда калбагандыгына ыраазы болду.

КР УИАнын академиги А.Акматалиев Ч.Айтматовдун 4 томдугун, кыргыз адабиятына, искусствосуна арналган китептерди ыроолоду.

Жирков бүгүнкү күнү “Дүйнө элдеринин эпостору” Эл аралык ассоциациясынын вице-президенти болуп эсептелет. Ал Бишкекте жана Чолпон-Атада өткөн “Алтай цивилизациясы жана Алтай тектүү элдер” аттуу эл аралык форумга катышуу үчүн келген. Ал адабий котормочулугу менен да белгилүү.

Подробности 

 Автор: admin 

 Создано: July 26th, 2017 

 Просмотров : 1739