Версия для слабовидящих
11-августта Кыргыз Улуттук илимдер академиясынын Тарых жана маданий мурастар институтунун жана Россия илимдер академиясынын Н.Н.Миклухо-Маклай атындагы Этнология жана антропология институтунун ортосунда илимий кызматташуу келишимине кол коюлду.
Аталган документке кол коюу учурунда РИАнын Этнология жана антропология институтунун директору, тарых илимдеринин доктору Марина Юрьевна Мартынова бири-бирине тектеш маселелер изилденип жатканын белгилеп, институттар арасындагы кызматташтыктын мааниси тууралуу айтып өттү.
“Евразия элдеринин ассамблеясы сыяктуу коомдук, эл аралык уюмдар кабыл алып жаткан чечимдер илимий фундаментке ээ болушу зарыл” – деди.
Жолугушууда УИАнын президентинин милдетин аткаруучу М.Джуматаев жана Тарых жана маданий мурастар институтунун директору А. Асанканов илимий экспедицияларды, изилдөөлөрдү биргелешип өткөрүүнүн, биргеликте илимий кадрларды даярдоонун келечеги, Кыргызстан менен Россиянын тарыхый байланыштары жөнүндө айтышты. Андан сырткары россиялык кесиптештер УИАнын жетекчилиги тарабынан Улуу Октябрь революциясынын 100 жылдыгына арналып, быйылкы жылдын ноябрь айында өтө турган Эл аралык конференцияга чакырылды.
Маалымат үчүн:
Илимий кызматташтык келишимине кол коюу биргелешип иш алып баруунун уландысы болуп саналат. Буга чейинки УИАнын Тарых жана маданий мурастар институту жана РИАнын Этнология жана антропология институтунун кызматташуусунун натыйжасында, 2016-жылдын аяк ченинде “Кыргыздар” китеби жарык көргөн. Китеп эгемендүү Кыргызстандын этносоциалдык илиминин тарыхында алгачкы жолу салттуу окуялар менен катар эле тарнсформациялык этносоциалдык жана этно маданий процесстерди масштабдуу изилдөөгө алган басылма болуп эсептелет.
- Подробности
- Автор: admin
- Просмотров : 1778