Версия для слабовидящих
14-февралда Кыргыз Республикасынын Улуттук илимдер академиясынын окумуштуулар кеңешинде илимий-изилдөө долбоорлоруна инвестор тартуу жана инновацияларды практика жүзүнө ашыруу сыяктуу маселелер талкууланды.
Химия-технологиялык, медицина-биологиялык жана айыл-чарба илимдери бөлүмүнүн төрагасы, корреспондент-мүчө Исабек Ашимов илимдер академиясынын президиумунун позициясын төмөндөгүчө белгилеп: “Азыркы шарттардагы КР УИАнын максаттуу веторлорнунун бири – экономикалык циклди жөндөөгө багытталган, инвестициялык-инновациялык өнүгүү болуп саналат. Анын ичинде жаңы илимди жана инновацияны иштеп чыгуу үчүн максималдуу түрдө инвестиция колдонуу; жаңы илимий продуктыны түзүү үчүн максималдуу түрдө жаңы илимди жана технологияны иштеп чыгуу; өндүрүштөгү сатык үчүн максималдуу түрдө жаңы илимди колдонуу; жаңы илимди жана технологияларды ашыра иштеп чыгуудан түшкөн каражаттарды макксималдуу түрдө реинвестицияга жумшоо” – деген оюн айтты.
Ошондой эле жыйындын катышуучулары тарабынан инвестициялык мүмкүнчүлүктөрдүн көз карашындагы илимий иштелмелердин анализи, инвестиция жана инновация боюнча өткөрүлө турган форумдардын академиялык тематикасы, илимий иштелмелерди ишке киргизүүнүн этаптары, жергиликтүү жана чет элдик инвесторлорду тартуу, эл аралык стипендиялык программаларга жаш окумуштуулардын катышуусун арттыруу сыяктуу бир катар маселелер талкууга алынды.
- Подробности
- Автор: admin
- Просмотров : 1091