Ош шаарында 15-16-майда Кыргызстандын региондорунун өнүгүүсүнө арналган «Фергана өрөөнүнүн жана Тянь-Шань-Памирдин шартындагы өзгөргөн климатогеографиялык шарттарда оорулардын эпидемиологиясы, патогенези жана саногенези» темасында эл аралык илимий-практикалык конференция өттү.

Иш-чарада медицина илиминдеги негизги багыттар, Фергана өрөөнүндөгү нефрологиялык кызматтын шарттарын жакшыртуу үчүн ресурс издөө, тамак, жүрөк ж.б. ооруларынын себептери, айынан эрте төрөлгөн ымыркайлардын өпкө, ашказан оорулары, клиникалык медицинадагы заманбап технологиялар, ден соолуктун айлана-чөйрөдөгү абалга байланыштуу өзгөрүүсү ж.б. арналган билдирүүлөр каралды.

Иш-чараны Ош мамлекеттик университети, Андижан мамлекеттик медициналык университети, Полярдык медицина жана адамдын экстремалдык экологиясы академиясы жана КР УИАнын Тоо физиологиясы жана медицинасы уюштурган.

Подробности 

 Автор: admin 

 Создано: May 16th, 2018 

 Просмотров : 1508