КР УИАда өткөн “Кыргызстандагы академиялык илимдин инвестициялык туруктуулугу: микро жана макро аспектилер” аталышындагы I-Академиялык инвестициялык форумунун алкагында “Мыкты грант издөөчү” жана “Натыйжалуу грант” номинациялары боюнча илимдер академиясынын илим-изилдөө мекемелери сыйлыктарга ээ болушту.

Жыйынтыкталган рейтинг боюнча бюджеттин көлөмүнө карата салыштырмалуу инвестиция тарта алгандыгы үчүн I даражадагы диплом менен М.Адышев атындагы Геология институту, Ч.Айтматов атындагы Тил жана адабият институту, II даражадагы диплом менен Тоо физиологиясы жана медицина институту, КР УИАнын Түштүк бөлүмүнүн Гуманитардык жана аймактык изилдөөлөр институту, III даражадагы диплом менен Химия жана фитотехнология институту, Дж.Алышбаев атындагы Экономика институту сыйланды.

Ошондой эле тартылган инвестициялардын көлөмү жана системалуу инвесторлор менен иштешүүсү боюнча I даражадагы диплом Сейсмология институтуна жана Ж.Жээнбаев атындагы физика-техникалык проблемалар жана материал таануу институтуна, II даражадагы диплом Химия жана фитотехнология институту менен Биотехнология институтуна, III даражадагы диплом Геомеханика жана жер казынасын өздөштүрүү институтуyна менен Биология жана топурак таануу институтуна ыйгарылды.

Форумдун негизги максаты илимге инвестиция тартууну өнүктүрүү, ата мекендик ишкерлер менен иштешүүгө байланышкан багыттар, инвестиция тартуу боюнча тажрыйба жана идеялар менен бөлүшүү болду.

Подробности 

 Автор: admin 

 Создано: June 7th, 2018 

 Просмотров : 1401