Версия для слабовидящих
УИАнын президенти Мурат Садырбекович Жуматаев Россия Элчилигинин биринчи катчысы Виктор Алексеевич Харченко башында турган делегация менен жолукту. Жолугушууда тараптар диссертациялык кеңештер, Кыргызстан менен Россиянын илимдер академияларынын, Россиянын жождорунун жана УИАнын окумуштууларынын ортосундагы байланыштарды калыбына келтирүү, жаңы формаларын иштеп чыгуу жөнүндө маселелерди талкуулашты.
Академик М.С.Жуматаев: “Биз бул иштер боюнча өзүбүздүн сунуштарды иштеп чыгып, сунуштайбыз. Бажы биримдигине киргенден кийин биздин байланыштар башка, ыңгайлуу деңгээлге өтүшү зарыл. Себеби биз илимий иштер боюнча кээ бир учурда финансылык жана башка чектөөлөргө туш болуп жатабыз. Ошондой чектөөлөрдү азайтуу керек. Мамлекеттер аралык диссертациялык кеңештерди түзүү, Россиянын жана Кыргызстандын окумуштууларын бириктирип турган илимий журнал уюштуруу иштерин караштырып жатабыз” – деди.
Ошондой эле, жолугушууда бүгүнкү күндүн проблемасы – жаштарды илимге тартуу да бир топ талкууланды. Жаштарды илимге тартууда Россия менен Кыргызстандын илимдер академияларындагы лабораторияларда иштеген жаштардан убактылуу чыгармачыл коллективдерин түзүү демилгеси жөнүндө кенен сөз болду.
- Подробности
- Автор: Press
- Просмотров : 2275