Версия для слабовидящих
КР УИАнын Чыңгыз Айтматов атындагы Тил жана адабият институтунун директору, академик Абдылдажан Акматалиев 8-марттан 16-мартка чейин Кытай Эл Республикасынын Хейнан университетинин жана Бүткүл Кытай достук ассоциясынын чакыруусу менен илимий-практикалык конференцияга катышып, окутуучулар, студенттер жана окурмандар менен жолугушуп, доклад окуп келди.
Кытай Эл Республикасында Чыңгыз Айтматовдун бардык чыгармалары кытай тилинде которулган жана ар бир жылы көптөгөн нускалар менен басылып турат. Анын чыгармалары жогорку окуу жайларынын программаларына кирген. Академик А.Акматалиевдин жетекчилиги менен изилдөөчү Пен Мей «Айтматовдун чыгармачылыгы Кытайда» деген кандидаттык диссертацияны 1998-жылы жактаган.
“Андан бери жыйырма жылдай убакыт өтүп кетиптир. Бул аралыкта Ч.Айтматовдун чыгармалары «Кассандра тамгасы», «Тоолор кулаганда» романдары кытай тилине которулуп, кызыгуу менен окулуп жатыптыр. Ал эми «Кылым карытар бир күн», «Кыямат», «Ак кеме», «Гүлсарат» чыгармалары да ар кайсы басмаларда басылып, чыгып туруптур. Ошону менен бирге кытай жеринде жашаган кыргыз, казак, уйгур окурмандары да өз арибинде жазуучунун чыгармаларын окуп жатышыптыр. Кытай изилдөөчүлөрү менен биздин институттун байланышы жакшы, «Айтматов окуулары» эл аралык конференцияга келип докладдарды окуп турушат, мындар ары да тыгыз байланыш түзүү жөнүндө келиштик» – дейт А. Акматалиев.
- Подробности
- Автор: Press
- Просмотров : 1547