Версия для слабовидящих
2019-жылдын13-июнунда Кыргыз Республикасынын Улуттук илимдер академиясынын президенти, академик Мурат Садырбекович Джуматаев Монголия илимдер академиясынын президенти Рэдгэл Дугэр менен жолугушту. Жолугушуунун алкагында эки тараптуу илимий кызматташуу, тажрыйба алмашуу, жогорку квалификациялуу илимий кадрларды даярдоо жана илимий мекемелер аралык кызматташуу боюнча сүйлөшүүлөр жүрдү.
Андан сырткары, Монголия илимдер академиясы менен КР УИАнын Б.Джамгерчинов атындагы Тарых, археология жана этнология институтунун ортосунда тарых жана археология илимине тийиштүү илимий долбоорлор менен иштешүү тууралуу пландар талкууланды.
Эске сала кетсек, 2019-жылдын 12-июнда Кыргыз Республикасынын Президенти Сооронбай Жээнбеков Монголия Президенти Халтмаагийн Баттулганын расмий визитинин алкагында КР УИАнын президенти, академик Мурат Джуматаев менен Монголия илимдер академиясынын президенти Рэдгэл Дугэр “өз ара түшүнүшүү жөнүндө” Меморандумга кол коюшкан. Меморандумга кол коюп жатып, эки өлкө ортосундагы илимий байланыш мындан ары да күчөтүлөөрү айтылган.
Сүйлөшүүлөрдүн жыйынтыгында, КР УИА тарабынан жаш тарыхчы Исраилов Максат Монголияга 8 айга аспирантура бөлүмүнө окууга жиберилди.
- Подробности
- Автор: admin
- Просмотров : 2156