---

2021-жылдын 4-октябрында Кыргыз Республикасынын Улуттук илимдер академиясында Кыргыз Республикасындагы 2020-жылдын октябрь окуяларына арналган “2020-жылдын октябры: өбөлгөлөрү жана факторлору” аттуу илимий-практикалык конференция болуп өттү.
Конференцияга Кыргыз Республикасынын Улуттук илимдер академиясынын президенти, академик М.С. Джуматаев, Кыргыз Республикасынын Мамлекеттик катчысы Ч.Абыкеев, Кыргыз Республикасынын Президентинин кеңешчиси, мүч -корреспондент Б.И. Бөрүбашов, Кыргыз Республикасынын Президентинин Администрациясынын Билим берүү, илим, маданият, спорт жана жаштар бөлүмүнүн башчысы Г.Дж.Байтерек, Кыргыз Республикасынын Билим берүү жана илим министринин орун басары А.Т. Абдраева, Кыргыз Республикасынын Жогорку аттестациялык комиссиясынын төрагасы Б.К. Тыналиева, Кыргыз Республикасынын Улуттук илимдер академиясынын анык мүчөлөрү, окумуштуулар, коомдук жана мамлекеттик ишмерлер, КР УИАнын аспиранттары ж.б. катышты.
Конференциянын жүрүшүндө төмөнкү темалар боюнча докладдар окулду жана талкууланды: октябрь окуясындагы саясий укуктук өбөлгөлөр, мамлекеттин саясатындагы жаңы тенденциялар жөнүндө, Кыргызстандагы октябрь окуясынын бир жылдыгы (мааниси, келечеги), октябрдан кийинки Кыргызстандагы президенттик бийликтин маңызы, бийликти мөөнөтүнөн мурда алмаштыруунун мыйзам ченемдүүлүктөрү менен карама-каршылыктары (Кыргызстандын тажрыйбасында), дүйнөлүк экономикалык системанын интеграция шартында Кыргызстандын улуттук экономикасынын өнүгүү келечеги.

Подробности 

 Автор: Press 

 Создано: October 4th, 2021 

 Просмотров : 1235

---