2022-жылдын 4-февралында Кыргыз Республикасынын Улуттук илимдер академиясы Борбор Азиядагы Конрад Аденауэр атындагы Фонду менен биргеликте “Билим берүү жана санариптештирүү: илимий кадрларды даярдоонун негизги пайдубалы” аттуу илимий-практикалык конференция өткөрдү.
Конференцияны КР УИАнын президенти, академик М.С.Джуматаев ачып, КРнын Мамлекеттик катчысы С.С.Касмамбетов, Борбор Азиядагы Конрад Аденауэр атындагы Фондунун регионалдык жана ыйгарым укуктуу өкүлү Ронни Хайне сөз сүйлөшүп, КРнын Президентине караштуу Антикоррупциялык ишкердик кенешинин Генералдык катчысы Н.А.Муканова, профессор К.Осмоналиев, Ош, Баткен, Жалал-Абад, Талас, Нарын, Ысык-Көл мамлекеттик университеттеринин ректорлору, Бишкек шаарындагы жогорку окуу жайларынын ректорлору доклад жасашты. Ошондой эле конференцияга КР УИАнын илимий-изилдөө институттарынын жетекчилери, көрүнүктүү окумуштуулар, коомдук жана мамлекеттик ишмерлер, жаш окумуштуулар жана аспиранттар катышты.
Иш-чаранын жүрүшүндө билим берүү менен илимди интеграциялоо маселелери, илимий кадрларды даярдоонун негизги пайдубалы катары жогорку окуу жайларда, илимий-изилдөө институттарда билим берүүнүн актуалдуу проблемалары жана алардын келечеги талкууланып, 2022-2024-жылга карата коррупцияга каршы саясат стратегиясынын долбоору презентацияланды.

Подробности 

 Автор: Press 

 Создано: February 7th, 2022 

 Просмотров : 1386