2022-жылдын 18-мартында Кыргыз Республикасынын Улуттук илимдер академиясында Ч. Айтматов атындагы Тил жана адабият институту менен биргеликте Эл аралык Түрк академиясы тарабынан уюштурулган «Улуттун улуу уулдары» аттуу эл аралык илимий-практикалык конференция өттү.

Бул иш-чара кыргыз-казак элдеринин улуу жазуучулары, белгилүү коомдук ишмерлери М. Ауэзовдун 125, Т. Сыдыкбековдун 110 жылдыгына карата уюштурулду.

Иш-чарага КР УИАнын президенти, академик М.С.Джуматаев, Эл аралык Түрк академиясынын президенти Дархан Кыдырали, КР УИАнын вице-президенти, академик О.А.Тогусаков,  Ч. Айтматов атындагы Тил жана адабият институтунун директору, академик А.А. Акматалиев, ошондой эле эки элдин белгилүү окумуштуулары,  коомдук, жана маданий ишмерлери катышты.

Конференциянын алкагында Мухтар Ауэзовдун «Манас» эпосуна арналган эмгектери камтылган «М. Ауэзов жана Манас» аттуу эмгектин бет ачары болду.

Ошондой эле иш-чаранын алкагында Эл аралык Түрк академиясынын президенти Дархан Кыдыралига КРнын Улуттук илимдер академиясынын Ардактуу академиги наамы тапшырылды.

Подробности 

 Автор: Press 

 Создано: March 18th, 2022 

 Просмотров : 1444