Версия для слабовидящих
2023-жылдын 12-июнунда Кыргыз Республикасынын УИАнын жетекчилери Кыргыз Республикасынын Жогорку Кеңешинин Социалдык саясат боюнча комитетинин төрагасы Раимбачаева Винера Калыбековна менен жолугушту.
Жолугушууда Кыргыз Республикасынын Жогорку Кеңешинде экинчи окууда өткөн “Илим жөнүндө” мыйзамдын долбоору талкууланды. Окумуштуулар мындан ары мындай мыйзам долбоорлору кеңири чөйрөдө – окумуштуулар, адистер жана башка кызыкдар тараптар менен талкууланышы керектиги жөнүндө каалоолорун жана сунуштарын айтышты. Ошондой эле окумуштуулар Кыргыз Республикасынын Конституциясынын 22-беренесинин 5-пунктунда чагылдырылган: «Кыргыз Республикасынын Улуттук илимдер академиясы ырааттуулук жана илимий прогресстик принциптерге негизденүү менен фундаменталдык жана прикладдык илимдер тармагындагы багыттарды координациялайт» деп бул беренеде Улуттук илимдер академиясынын статусу так айтылгандыгын белгилеп кетишти.
Мындан тышкары жолугушууда катышкан КР УИАнын илимий коомчулугу илимдин билим берүүчү мекемелери менен бирге өз ара аракеттенүүсүн талкуулап, илимдин өнүгүшү өндүрүштүн жана өлкөнүн экономикасынын өсүшүнө алып келиши керек экенин бирдиктүү пикирде белгилеп кетишти.
Окумуштуулар менен жолугушкандан кийин Комитеттин төрагасы В.К. Раимбачаева КР УИАнын Борбордук илимий китепканасына барып, Кыргыз Республикасынын УИАнын баалуу китепканалык фонду менен таанышып, илимий китепкананын кызматкерлеринин эмгегин жогору баалады жана келечектеги муундар үчүн китепкана фондунун бай мурасын сактоо зарылдыгын белгиледи.
- Подробности
- Автор: pressa
- Просмотров : 1604