Конференцияны өткөрүүнүн максаты: суу ресурстары жана гляциология, биологиялык ар түрдүүлүк, жайыттарды пайдалануу, климаттын өзгөрүшү жана экосистемалардын мониторинги, ошондой эле кырсыктардын тобокелдигин азайтуу жаатындагы актуалдуу экологиялык маселелерди талкуулоо; Борбордук Азиянын аймактык көйгөйлөрү боюнча ар кайсы өлкөлөрдүн окумуштуулары менен адистеринин ортосунда маалымат, билим жана тажрыйба алмашуу.

Конференцияны Борбордук Азиянын экология жана айлана-чөйрөнү изилдөө борбору (Бишкек), Кыргыз Республикасынын Улуттук илимдер академиясы, Кытай Илимдер академиясынын Шинжаң экология жана география институту, Синьцзян агрардык университети Кытай илимдер академиясынын, КР УИАнын Биология институту, КР УИАнын Суу проблемалары жана гидроэнергетика институту жана КР УИАнын М.М. Адышев атындагы Геология институту менен биргеликте уюштурулду.

Конференциянын иши пленардык жыйын жана 5 секция түрүндө болуп өттү:
1. Суу ресурстары жана сууну тазалоонун технологиялары;
2. Табигый кырсыктар;
3. Биологиялык ар түрдүүлүк;
4. Климаттын өзгөрүшүнө жана айлана-чөйрөгө мониторинг системалары;
5. Жайыттарды сарамжалдуу пайдалануу.

Конференцияга Кыргызстандын, Казакстандын, Өзбекстандын, Россиянын, Кытайдын, Япониянын алдыңкы илимий жана окуу жайларынын, илимий борборлорунун окумуштуулары, мыйзам чыгаруу жана аткаруу бийлик органдарынын өкүлдөрү, мамлекеттик органдардын жана өкмөттүк эмес түзүмдөрдүн жетекчилери катышышты.

Подробности 

 Автор: pressa 

 Создано: August 23rd, 2023 

 Просмотров : 661