Версия для слабовидящих
2024-жылдын 2-апрелинде Кыргыз Республикасынын Улуттук илимдер академиясы жана Россия Илимдер академиясынын Сибирь федералдык агробиотехнологиялар илимий борбору (РАН СФНЦА) илимдин федералдык мамлекеттик бюджеттик мекемеси жашоо илимдери, жаратылышты сарамжалдуу пайдалануу, прибордук жана эксперименталдык-техникалык өз ара аракеттенүү жаатында Тараптардын ортосунда өз ара пайдалуу кызматташуу, өз ара аракеттенүү жана биргелешкен илимий-техникалык ишмердүүлүк жөнүндө макулдашуу түзүштү.
Макулдашуунун максаттары: илимий билим, топтолгон тажрыйба алмашуу, биргелешкен илимий изилдөөлөрдү жүргүзүү, биргелешкен лабораторияларды түзүү, илимий-практикалык жана методикалык сунуштарды иштеп чыгуу; адистерди жана жогорку квалификациялуу илимий-педагогикалык кадрларды даярдоонун, кесиптик кайра даярдоонун жана квалификациясын жогорулатуунун келечектүү багыттарын аныктоо; жер иштетүүнү башкаруунун санариптик системаларын изилдөө; агрохимияны жана анын системалардын туруктуулугуна тийгизген таасирин изилдөө; өсүмдүктөрдү коргоо маселелерин изилдөө жаатындагы кызматташтык; жаныбарлардын ооруларын изилдөө жана гистологиялык изилдөөлөр жаатында ветеринария багыты боюнча кызматташуу; дары өсүмдүктөрдүн экинчи метаболиттерин изилдөө жаатындагы, мөмө-жемиш өсүмдүктөрүн селекция, жаныбарларды жана айыл чарба өсүмдүктөрүн селекция, жапайы жана маданий формаларды алмашуу жаатындагы биргелешкен илимий-техникалык иш; биргелешкен басма ишин өнүктүрүү, маалыматтык билим берүү ресурстарын өз ара алмашуу ж. б.
Илимий-техникалык кызматташуу жөнүндө макулдашууга КР УИАнын президенти Абдрахматов Канатбек Ермекович жана “Россия Илимдер академиясынын Сибирь федералдык агробиотехнологиялар илимий борбору” федералдык мамлекеттик бюджеттик илим мекемесинин директору Голохваст Кирилл Сергеевич кол коюшту.
- Подробности
- Автор: pressa
- Просмотров : 21602