2024-жылдын 14-июнунда Кыргыз Республикасынын Улуттук илимдер академиясынын Президенти К.Е. Абдрахматов Кытай Эл Республикасынын Коомдук илимдер академиясынын проректору Жэнь Чжаньмин мырза жетектеген делегациясын кабыл алды.

Кытай Коомдук илимдер академиясынын проректору Жэнь Чжаньмин мырза жетектеген делегациясынын эки тараптуу жолугушуусу Кыргыз Республикасынын Улуттук илимдер академиясынын жыйындар залында болуп өттү. Ага КР УИАнын Президенти, мүчө-кореспондент К.Е. Абдрахматов, КР УИАнын Вице-президенти, академик  Ч. И. Арабаев,  Б. Жамгырчинов атындагы Тарых, археология жана этнология институтунун директору, академик А. А. Асанканов катышты.  

Кытай Эл Республикасы менен Кыргыз Республикасы тамыры терең, боордош кошуна өлкөлөр болуп саналат. Анын Кыргызстанга болгон сапарынын максаты ⎻ достукту чыңдоо жана илим тармагындагы кызматташтыкты өнүктүрүү болуп эсептелинет.

Жолугушуунун жүрүшүндө Жэнь Чжаньмин мырза КЭР ИАсы менен КР УИАнын ортосундагы макулдашуу боюнча эл аралык илимий кызматташтыктын алкагында, тактап айтканда, Орто Азиянын гуманитардык жана илимий- изилдөө борборлору менен кызматташуу боюнча Кыргыз-Кытай борбору аркылуу жаш адистер менен тажрыйба алмашуу жана мындан ары кызматташууну сунуштады.

         Кыргыз-кытай мамилелери өнүгүп жатканын жана эки тараптуу өз ара аракеттенүүнүн болуп көрбөгөндөй жогорку деңгээлинде экенин белгилешти. Ошондой эле эки өлкөнүн ортосундагы өз ара ишеним, салттуу достук жана коңшулук мамилелер стратегиялык өнөктөштүктү бекемдөөгө өбөлгө түзөрү белгиленди.

         Тараптар кызматташуунун бардык багыттары боюнча, анын ичинде маданий-гуманитардык тармактардагы артыкчылыктуу маселелерди да кошо карашты.

          Жолугушуунун жүрүшүндө илимий изилдөө иштердин эки тарап биргеликте иштөөнүн натыйжалуулугун жогорулатуу, гуманитардык алмашууну күчөтүү, туризмди өнүктүрүү боюнча иш-чараларды активдештирүү, ошондой эле мамлекеттер ортосундагы илим-билим системасын кеңейтүү боюнча да сүйлөшүүлөр болду.

         Соңунда КР УИАнын Президенти, мүчө-кореспондент К.Е. Абдрахматов  жолугушуунун жыйынтыгы эки өлкөнүн ортосундагы илим-билимде олуттуу өсүшүнө өбөлгө түзүүчү пайдалуу жаңы келишимдер жана макулдашуулар менен коштолот деген ишенимин билдирди.

Подробности 

 Автор: pressa 

 Создано: June 14th, 2024 

 Просмотров : 22734