2024-жылдын 26-ноябрында 89 жаш курагында Кыргыз Республикасынын Баатыры, Кыргыз Республикасынын Жогорку Кеңешинин 4-чакырылышынын депутаты, Кыргыз Республикасынын Улуттук илимдер академиясынын Ардактуу академиги, окумуштуу-хирург, Эмгек сиңирген дарыгер, Кыргыз Республикасынын илимине эмгек сиңирген ишмер, Мустафа Кемал атындагы Илим жана маданият Эл аралык кайрымдуулук фондусунун Алтын медалынын, “Мээрим” энени жана баланы коргоо эл аралык кайрымдуулук фондунун “Чародей скальпеля” сыйлыгынын, “Данакер” орденинин ээси, Дүйнө медицинасына кошкон салымы үчүн Россиянын коомдук сыйлыктар боюнча улуттук комитетинин Н. Пирогов орденинин ээси, Гимнастика спорту боюнча республиканын бир нече жолку чемпиону, гимнастика боюнча Кыргыз ССР курама командасынын мүчөсү, Эл достугу университетинин ардактуу профессору Эрнст Акрамов дүйнөдөн кайтты.

Эрнст Акрамов 1936-жылы 24-июнда Фрунзе шаарында төрөлгөн. Кыргыз медициналык институтун аяктаган. Ал кыргыз, орус, өзбек, уйгур жана англис тилдеринде эркин сүйлөп, мыкты билген.

1964-1967 — Кыргыз мамлекеттик медициналык институтунун ыкчам хирургия кафедрасынын аспиранты;

1971-1975 — Республикалык клиникалык оорукананын көкүрөк хирургия бөлүмүндө ординатор, №2 шаардык клиникалык оорукананын хирургия бөлүмүнүн башчысы;

1975-1980 — ассистент, кыргыз медициналык институтунун госпиталдык хирургия кафедрасынын доценти;

1981-1992 — Республикалык клиникалык оорукананын жалпы хирургия бөлүмүнүн башчысы;

1989-1992 — СССР эл депутаты;

1992-жылдан кайтыш болонго чейин Чүй облустук биргелешкен ооруканасынын жалпы хирургия бөлүмүнүн башчысы;

1998 — пикирлештери менен “Менин өлкөм” партиясын негиздеген;

2000 — Жогорку Кеңештин депутаты болуп, бирок мандаттан баш тарткан;

2002-жылдан КР Саламаттык сактоо министрлигинин реконструкция-калыбына келтирүү хирургиясы илимий борборунун директору;

2003-жылдан Кыргызстан-Россия Славян университетинин госпиталдык хирургия кафедрасынын профессору;

2007 — Жогорку Кеңештин 4-чакырылышына депутат болуп келген. Конституциялык мыйзамдуулук, мамлекеттик түзүлүш, мыйзамдуулук жана адам укуктары комитетинин мүчөсү болгон. Депутаттык менен дарылоо иштерин чогуу алып барган.

Эрнст Акрамовдун басып өткөн жолу – окумуштуулардын кийинки муундары үчүн үлгү жана анын жаркын элеси жакындарынын жана досторунун, кесиптештеринин жана шакирттеринин эсинде түбөлүккө сакталат.

Биз Эрнст Акрамовдун туугандарына жана жакындарына терең кайгыруу менен көңүл айтабыз. Бул орду толгус жоготуунун кайгысын тең бөлүшөбүз. Белгилүү хирург, Ардактуу академик, Кыргыз Республикасынын Баатыры Эрнст Акрамовдун жаркын элеси биздин жүрөгүбүздө түбөлүккө сакталат.

1. Абдрахматов Канатбек Ермекович;

2. Арабаев Чолпонкул Исаевич;

3. Худайбергенова Бермет Мерлисовна;

4. Адамбеков Доктурбек Адамбекович;

5. Айдаралиев Асылбек Акматбекович;

6. Акаев Аскар Акаевич;

7. Акималиев Джамин Акималиевич;

8. Асанов Усен Асанович;

9. Асанканов Абылабек Асанканович;

10. Ашимов Исабек;

11. Бакиров Апас Бакирович;

12. Борубаев Алтай Асылканович;

13. Джуматаев Мурат Садырбекович;

14. Дженчураева Розалия Джаманкуловна;

15. Джумабеков Сабырбек Артисбекович;

16. Жоробекова Шарипа Жоробековна;

17. Жумалиев Кубанычбек Мырзабекович;

18. Жунушов Асанкадыр Темирбекович;

21. Кожогулов Камчибек Чонмурунович;

22. Кидибаев Мустафа Мусаевич;

23. Койчуев Турар Койчуевич;

24. Кудаяров Дуйше Кудаярович;

25. Мамытов Миталип Мамытович;

26. Мамасаидов Мухаммаджан Ташалиевич;

27. Мукасов Ысманалы Мукасович;

28. Мурзубраимов Бектемир;

29. Мусаев Сыртбай Жолдошович;

30. Нифадьев Владимир Иванович;

31. Нургазиев Рысбек Зарылдыкович;

32. Плоских Владимир Михайлович;

33. Раимжанов Абдухалим Раимжанович;

34. Сагымбаев Марат Акимович;

35. Садыков Тургунбай Садыкович;

36. Тогусаков Осмон Асанкулович;

37. Токторалиев Биймырза Айтиевич;

38. Эркебаев Абдыганы Эркебаевич;

39. Акматалиев Абдылдажан Амантурович;

40. Ибраимов Осмонакун Ибраимович;

41. Шалпыков Кайыркул Тункатарович;

42. Жеенбаев Нурбек Жаныбекович.