Бишкектеги кыргыз мамлекеттик улуттук Г.Айтиев атындагы сүрөт искусствосу музейинин алдына ар түрдүү гүлдөрдүн көчөттөрү отургузулду. Аны Улуттук илимдер академиясынын Э.Гареев атындагы Ботаникалык багынын гүлдөр жана декоративдик өсүмдүктөр лабораториясынын улук илимий кызматкери Ирина Попова жетектеп, кеңеш берип турду. Бул иш-чара @botanika.kyrgyzstan колдоосу менен биргелешкен кызматташтык меморандумунун негизинде уюштурулду.

Отургузулган өсүмдүктөрдүн көбү Кыргызстандын жапайы жаратылышында өсөт жана музейдин сырткы архитектуралык көрүнүшүнө ылайыкташтырылып тандалды.