Урматтуу меймандос кыргыз эли, илим чөйрөсүндө жүргөн жалпы коллегалар!

Сиздерди эртеңки Нооруз майрамыңыздар менен чын жүрөктөн куттуктайм!

Нооруз – жаңы күн, жаңы тилек, максаттардын башталышы. Нооруз менен дүйнө жанданат, тирүүчүлүк келет. Андыктан, өлбөгөн жанга жаз чыкты деп бекеринен айтылбайт.

Мусулман эли, анын ичинде кыргыздар бул күндү илгертеден эле сүйүнүү менен тосуп алып, короо-жайын тазалап, буудай, арпа өндүрүп, көжө, сүмөлөк жасап, дасторконго ар кандай жер-жемиштерден коюп, таза кийинишип, бири-бирин жаңы күн, жаңы жылы менен куттуктап тосуп келишкен. Ушул күндөн баштап күн түнгө теңелип, күн узара баштайт. Жашоо жанданып, жаз жарыш башталат.

Ар бирибиз үчүн бул жыл ырыскылуу болуп, бакубат жашоо алып келген жыл болсун. Кыргызстан бардык тармактарда өнүгүп-өсүү жолуна түштү. Бул жылы да өлкөбүздө көп ийгиликтердин, ар тараптуу жетишкендиктердин жылы болсун.

Илим чөйрөсүндө дагы жаратман иштер жаралсын. Алдыга койгон максаттарыбыз орундалсын.

Эски жыл колдоп, жаңы жыл жалгасын!

Урматтоом менен КР Илимдер академиясынын президенти,

Канат Абдрахматов